Kryetari i Komunës së Mamushës, Abdulhadi Krasniç, ka njoftuar se komuna që ai udhëheq është shpërblyer nga Ministria e Pushtetit Lokal dhe organizata Helvetas, si rezultat i punës së suksesshme dhe transparente në ofrimin e shërbimeve për qytetarët.
Sipas tij, Mamusha është ndër komunat e pakta në Kosovë që kanë përfituar këtë çmim, duke e cilësuar atë si një vlerësim për angazhimin institucional dhe përkushtimin ndaj qytetarëve.
“Ky çmim është shenjë e punës sonë dhe mirëkuptimit për shërbimin”, ka deklaruar ai.
Ai tregon s në kuadër të këtij vlerësimi, Komuna e Mamushës ka përfituar 96 mijë e 615 euro, mjete të cilat do të destinohen për investime infrastrukturore.
Krasniç bëri të ditur se projektet që do të realizohen me këto fonde do t’u prezantohen qytetarëve sa më shpejt që të jetë e mundur, ndërsa theksoi se synimi mbetet përmirësimi i vazhdueshëm i shërbimeve komunale.
Në fund, ai falënderoi qytetarët për mbështetjen e dhënë, duke theksuar se puna në shërbim të tyre do të vazhdojë “pavarësisht gjithçkaje dhe çdo shpifjeje”./PrizrenPress.com
Marketing
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
