Në ambientet e ShML “Ruzhdi Berisha” në Dragash u zhvillua faza e dytë e testit në kuadër të Olimpiadës së Përbashkët Kosovë – Shqipëri në lëndën e Gjuhës dhe Letërsisë Shqipe.
Në këtë fazë morën pjesë 52 nxënës të klasave të nënta, të cilët ishin kualifikuar nga faza e parë e mbajtur në shkollat fillore të Komunës së Dragashit.
Procesin e testimit e ndoqën nga afër zyrtarë të Drejtorisë Komunale të Arsimit, të udhëhequr nga drejtori Zeni Krasniqi.
Siç bëhet e ditur nga komuna, pesë nxënësit më të mirë do të marrin pjesë në fazën e tretë të olimpiadës, e cila do të zhvillohet në nivel shtetëror./PrizrenPress.com/
