Ka ndërruar jetë mësimdhënësi i njohur nga Prizreni, Fatih Lubiçeva.
Lajmin për vdekjen e tij e ka konfirmuar Drejtoresha e Drejtorisë Komunale të Arsimit në Prizren, Luljeta Veselaj-Gutaj.
“Me pikëllim të thellë mora lajmin e ndarjes së parakohshme nga jeta të mësimdhënësit Fatih Lubiçeva. Angazhimi dhe puna e tij e mirë ishte frymëzim për nxënësit. Fatih ka lënë gjurmë të pashlyeshme dhe do të jetojë gjatë në kujtesën tonë”, thuhet në telegramin e ngushëllimit të Veselajt-Gutaj.
Ajo ka shprehur ngushëllimet më të sinqerta për familjen Lubiçeva, miqtë, bashkëpunëtorët, kolegët dhe të gjithë nxënësit që patën fatin të mësonin prej tij.
“Fatih Lubiçeva do të kujtohet për përkushtimin dhe kontributin e tij të çmuar në arsim”./PrizrenPress.com/
mbajtje.
