Në fshatin Drenoc, është bërë prezantimi i projektit ideor për ndërtimin e rrjetit të ujësjellësit për fshatin Drenoc, i hartuar nga USAID, e cili do të bashkëfinancohet nga USAID dhe Komuna e Malishevës. për nda numri i banorëve, Drenoci, është fshati më i madh në Komunën e Malishevës, ndërsa është edhe fshati që ka më shumti problem, për sigurimin e ujit për pije.
Qëllimi i prezantimit, sipas përfaqësuesve të IRD-së, të cilët implementojnë fondet e USAID në fushën e infrastrukturës së ujësjellësve, ishte njohja me projektin, shtrirjen e planifikuar të rrjetit dhe më e rëndësishmja, të eliminohen defektet e mundshme gjatë hartimit të projektit ideor, para hartimit të projektit final.
Sipas zyrtarëve të IRD-së, ndërtimi i ujësjellësit është në proces dhe deri në muajin qershor, pritet të finalizohet shtrimi komplet i rrjetit, në tërë fshatin.
Në këtë prezantim, krahas zyrtarëve të IRD-së, ishin edhe kreu i Malishevës, z.Ragip Begaj, me bashkëpunëtor, i cili shprehi kënaqësinë për fillimin e procesit të ndërtimit të ujësjellësit për Drenoc, si një prej projekteve më me rëndësi, pasi uji është elementi kryesor i jetës./PrizrenPress.com/