Kryeministri i Kosovës, Hashim Thaçi, i është drejtuar sërish sot qytetarëve përmes profilit të tij në Facebook. Ai thotë se ka një pyetje për prindër dhe familjarë, duke dëshiruar që ata të jenë pjesë e vendimmarrjes?
“Jemi në diskutim me ekspertët e demografisë dhe ekonomisë për një propozim të Qeverisë që për çdo fëmijë të porsalindur të ndahen nga 300 euro për kujdesin shëndetësor dhe sigurinë familjare. Ky propozim synon shtytje për familje të reja dhe të porsamartuarit por edhe mirëqenien sociale të familjeve”, ka shkruar Thaçi.
“Para ca javëve vizitova një kompani të re të dadove, kujdestareve të fëmijëve “Nina-Nana”. Mësova se shumë çifte të reja po hezitojnë të krijojnë bashkësi për shkak të konsideratave ekonomike dhe shoqërore.
Kryetari i Hanit të Elezit, Rufki Suma, i ka propozuar në fillim të muajit Kuvendit të Komunës së Hanit të Elezit që të miratojë vendimin që për çdo fëmijë të sapolindur, familjes së foshnjës t’i dhurojë 100 euro me qëllim që sadopak të lehtësojnë barrën e shpenzimeve për familjet e kësaj komune.