Unë e bardhë dita e bardhë
buzëqeshje në të kaltrin det
unë jam e tillë se dua vet
të qeshni si unë me radhë
do të qesh krejt pa rreshtur
mbi fushat e mia që i dua
e dini dhe qielli është me mua
ç’keni kështu kaq çarraveshur
unë e bardhë e te ju zymtë
kush ju ndjek kaq përdreqtë
në leqet tuaja që bini shpejt
mos ma ndyni detin kaq hirrtë
unë e bardhë dita e zbardhur
bardh dhe Sharri në majemal
mos ma trembni buzëqeshjen
te ju pastër nisi për të ardhur
/Skender Berisha/