Arbër Vllahiu, thotë se një takim i përbashkët i liderëve të partive parlamentare, me Presidenten Atifete Jahjaga do të mund të prodhonte një zgjidhje për tejkalimin e krizës politik, në të cilin vendi është zhytur, që pas mbajtjes së seancës konstituive të 17 korrikut.
Këshilltari i Presidentes, megjithatë nuk ka precizuar nëse Presidentja do ta thërras një takim të tillë, por tha se po hyjmë në periudhën kur po thellohet kriza, jo vetëm institucionale por edhe buxhetore, raporton Radio Kosova.
Në anën tjetër, analisti Shpend Kursani thotë se nuk takim i tillë nuk do të sjellë ndonjë rezultat pasi ai do të mbahet larg publikut dhe qytetarëve. Ai tha se takimi i përbashkët do të duhet të mbahet në Kuvend.
“Mendoj se një takim mes partive politike do të ishte mirë të mbahet në Kuvendi ne Kosovës dhe të debatohet aty dhe mendoj se nëse mbahen disa seanca me të gjitha partitë në Kuvendin e Kosovës mund të rriten gjasat që të gjendet një zgjidhje”.
Sa i përket takimit me presidenten me të gjitha partitë politike nuk jam shumë optimist se mund të gjendet ndonjë zgjidhje për problemin, mendoj që presidentja po e bën edhe një tentativë tjetër nuk shoh se si një takim me presidenten mes këtyre partive politike mund ta zhbllokonte situatën”.
Sipas Kursanit, më e arsyeshme është takimi i presidentes me kryesuesen e seancës konstituive, Flora Borvina, me qëllim që të thirret seanca.
Kursani thotë takimi i presidentes me partitë politike në këtë fazë është adresë e gabuar, sepse ato nuk janë duke e bllokuar procesin, por është kryesuesja e Kuvendit që po e bllokon mbajtjen e seancës, në të cilën do të mund të kishte zgjidhje.