Kanë kaluar më shumë se tre muaj qëkur është ulur në karrigen e kryeprokurorit të Shtetit në cilësinë e ushtruesit të detyrës.
Sylë Hoxhës në këtë pozitë i duhen edhe më pak se tre muaj dhe mund të hyjë në listën e përfitimeve të përjetshme që i takojnë me Ligjin për ish-Zyrtarët e Lartë Shtetëror.
Sipas të gjitha gjasave, ai edhe do të arrijë t’i ketë këto përfitime ngase për zgjedhjen e kryeprokurorit të ri të Shtetit deri më tani janë bërë hapa aq të ngadalshëm që nuk shihet se do të rezultojnë me zgjedhjen e prokurorit të ri para tre muajve të ardhshëm, aq sa i duhet Hoxhës të hyjë në listën e përfituesve të përjetshëm.
Me të marrë postin e ushtruesit të detyrës së prokurorit të Shtetit, Sylë Hoxha qe zotuar më 5 gusht se do të punojë për të mirën e sistemit prokurorial, ndërsa si prioritet të parë pati renditur procesin e përzgjedhjes së kryeprokurorit të ri të Shtetit. /zeri/