Edhe deputetja tjeter e LDK-së, Doruntinë Maloku, ka dalë kundër koalicionit me PDK-në.
Ajo ka thënë se nuk do të votojë koalicionin e lidhur mes Isa Mustafës e Hashim Thaçit.
Madje, ajo ka thënë se vota e saj është kundër edhe Kryeparlamentarit të PDK-së.
Deri më tash kundër koalicionit me PDK-në kanë dalë edhe deputetët tjerë të LDK’së, si Adem Salihaj, Arben Gashi, Vjosa Osmani, Kujtim Shala.
Lexojeni të plotë njoftimin
Te nderuar,
Vendimi arbitrar i kryesisë së Lidhjes Demokratike të Kosovës për të hyrë në koalicion qeverisës me partinë që vendin tonë e ka shndërruar në shtet mafioz, PDK-në, është shkelje mbi vlerat dhe parimet që LDK-ja ka kultivuar qe një çerekshekull.
Si përfaqësuese e zgjedhur e popullit në Kuvendin e Republikës së Kosovës, kam vendosur të votoj KUNDËR këtij bashkimi të papranueshëm me partinë që përfaqëson kupolën e krimit, korrupsionit e të mafias në Kosovë! Dhe e cila madje edhe nga NATO-ja akuzohet për vrasje të politikanëve shqiptarë të Kosovës.
Gjithashtu, nuk do t’i përmbahem zotimit të LDK-së për të votuar pro kryeparlamentarit nga radhët e PDK-së. KUNDËR!!!