Kryetari i Komunës së Prizrenit, Ramadan Muja, ka uruar Kancelarin e Ipeshkvisë së Kosovës, shkëlqesinë e tij Don Shan Zefi dhe të gjithë qytetarët e besimit katolik të komunës së Prizrenit, me rastin e festës së Krishtlindjes.
“Kjo festë bashkë me të mirat që bartë brenda vetës, le të na shërbejë në forcimin e dashurisë për njeri-tjetrin dhe kultivimin e tolerancës, si vlerë e demokracisë për ne dhe brezat qe do të vijnë”, thuhet në urimin e Mujës.
“Komuna e Prizrenit do të vazhdojë të jetë e angazhuar thellësisht për ngritjen e mirëqenies së qytetarëve dhe të ardhmen e ndritur për të gjithë ne”.
“Lindja e Krishtit, uroj qe të sjellë shëndet, të mira dhe lumturi në familjet tona”./PrizrenPress.com/