Fred Abrahams është një “gjahtar” krimesh. U shkon pas për të dokumentuar mizoritë që u ndodhin njerëzimit gjithandej globit. Ai ishte edhe në Ballkan.
Gjatë viteve 1995-2000 ka mbuluar Kosovën si vëzhgues i “Human Rights Watch”, organizatë e cila ka publikuar edhe një raport voluminoz që përmban të dhënat për krimet dhe rrëfimet e shumë dëshmitarëve që u mbijetuan masakrave.
Së fundmi ka përfunduar edhe librin e tij për rënien e komunizmit në Shqipëri, i cili në vjeshtë do të botohet prej “NYU Press”.
Aktualisht është duke u marrë me krimet në Siri dhe Irak.
Në një intervistë të shkurtër dhënë “Kohës Ditore” nëpërmjet e-mailit, Abrahams flet për natyrën e krimeve që kishte parë në Kosovë, për mungesën e ndëshkimit të kriminelëve, për sensibilizimin e opinionit ndërkombëtar për ngjarjet e Kosovës dhe për të dhënat për krimet e Serbisë që nuk gjejnë vend në diskursin publik…/koha ditore/