Në rrugën “Edit Durham” në Prizren, një person gjersa ishte duke lëvizur me motoçikletë, nga pakujdesia ka goditur një këmbësor i cili pastaj është goditur nga një veturë tjetër e cila ishte në lëvizje.
Sipas policisë, si pasojë lëndime trupore kanë pësuar tre persona të cilët janë dërguar për trajtim mjekësor në Spitalin e Prizrenit.
Aksidenti tjetër ka ndodhur në fshatin Plavë të Dragash, ku një motoçiklist ka humbur kontrollin dhe është aksidentuar. Si pasojë lëndime trupore ka pësuar ngasësi dhe një pasagjer, të cilët janë dërguar për trajtim të nevojshëm mjekësor në Spitalin e Prizrenit dhe në QKUK. /PrizrenPress.com/