Një aksident trafiku ka ndodhur në udhëkryqin Xerrxë-Rugovë, në rrugën Gjakovë-Prizren, nga ku kanë mbetur të lënduar tre persona.
Lajmin ka konfirmuar zëdhënësi i Policisë për Rajonin e Gjakovës, Sheremet Elezaj, i cili bëri të ditur se tre të lënduarit janë dërguar për trajtim mjekësor në Spitalin Rajonal.
“Në aksidetin e ndodhur në udhëkryqin Xerrxë-Rugovë (rruga Gjakovë-Prizren) deri më tani kemi informacion se tre persona për shkak të lëndimeve janë dërguar për trajtim mjekësor në Spitalin Rajonal”, ka thënë Elezaj