Kryetari i Lëvizjes Vetëvendosje, Albin Kurti i është kundërpërgjigjur zëvendës kryeministrit të Republikës, Hashim Thaçi, pas deklaratave të këtij të fundit se organizatorët e protestave po dëshirojnë të marrin me dhunë pushtetin.
Kurti pyetjes së “Zërit” i është përgjigjur duke thënë se Thaçi i frikësohet se ndokush do t’ia merr pushtetin. I pari i LVV-së në njoftimin se të mërkurën në ora 12:00 do të mbahen protestat e ardhshme theksoi se nuk do të heqin dorë nga dy kërkesat kryesore, shkarkimin e ministrit për Kthim dhe Komunitete, Aleksandër Jabllanoviq si dhe mbrojtjen e “Trepçës”.
“Ai e ka mendjen vetëm tek pushteti dhe prandaj frikësohet se po ja merr ndokush. Në anën tjetër ai dëshiron që ta arsyetoj intervenimin mizor të policisë me qëllime të paqena të protestës.
Nuk ka pasur qëllim protesta marrjen e pushtetit, ne kishim zgjedhje në qershor të vitit të kaluar, pushteti vjen pas zgjedhjeve të ardhshme nuk e di kur do të jenë ato dhe nuk është fare preukopi i imi se kur do të jenë ato. Ne i kemi dy kërkesa që ata nuk po duan ti dëgjojnë. Shkarkimin e Jabllanoviqit dhe mbrojtja e “Trepçës”, ka thënë Kurti. /Zëri/