Ambasada e SHBA-së në Tiranë ka shkruar ne faqen zyrtare Facebook per vizitën e Papa Francesku në Tiranë, jo vetëm si vlerësim i traditës së harmonisë fetare, por si modeli i harmonisë fetare në Botë.
Postimi i Ambasadës së SHBA-së në Tiranë shoqërohet me një foto të Papa Franceskut dhe në fund të postimit shtrohet alternativa: A jeni dakord që Shqipëria është një model i tolerancës ndërbesimesh?
“Më 21 shtator Papa Françesku do të vizitojë Shqipërinë. Një nga arsyet e vizitës së Papës ka të bëjë me vlerësimin e traditës së shëndoshë shqiptare të harmonisë ndërbesimesh dhe ndërfetare – një traditë të cilën shumë e kanë përshkruar si një model për pjesën tjetër të botës. A jeni dakord që Shqipëria është një model i toleranës ndërbesimesh?” shkruhet në postimin e Ambasadës së SHBA në Tiranë.