Klubi letrar “Anton Pashku” në Kukës organizoi një takim në nderim të mësuesit Isuf Cahani, i cili u nda nga jeta disa muaj më parë.
Ishte zgjedhur pikërisht dita e 65 vjetorit të lindjes, që ai të nderohej solemnisht nga familjarë të tij, ish-kolegë e ish-nxënës.
Në fillim u evidentua profili i Isuf Cahanit si njeri, mësues, edukator, veprimtar i dallueshëm i Klubit letrar, dhe si njeriu që la emër të mirë dhe të respektueshëm.
Në këtë takim u lexuan pjesë nga krijimtari e Migjenit, autor të cilin mësuesi Isuf Cahani, e kishte pasur më për zemër, si dhe një letër prekëse e studentes Majlinda Dulla, të cilën mësuesi Isuf Cahani e kishte ndihmuar shumë në punën e saj krijuese.
Të pranishmit që e morën fjalën, si Mustafë Cena, Zylfi Tola, Islam Gjana, Besim Cengu, Mirdash Hoxha, Shkëlqim Dulla, Fahrije Zeneli, Gjyle Cahani, vlerësuan kontributin e Isuf Cahanit në fushën e arsimit dhe edukimit, punën e tij të palodhshme dhe pasiononte në Konviktin e qytetit, ku krijoi një emër të nderuar dhe të respektuar.
Në fund të takimit, familjarët e Isuf Cahanit, I biri Erjoni dhe bashkëshortja, Hatije Cahani, falënderuan të pranishmit për nderimin që i bënë njeriut të tyre të shtrenjtë.