Dy persona nga Suhareka janë arrestuar nga policia, pas dyshimit se kanë dhunuar dy vajza të mitura.
“Hetuesit rajonal nga Drejtoria Rajonale e Policisë në Prizren pas raportimit të një rasti nga kolegët e Suharekës, kanë arrestuar dy meshkuj të moshës së re me arsyetimin e bazuar se të njëjtit kanë konsumuar elemente të veprës penale të dhunimit të kryera ndaj dy të miturave, njëra në moshën 16 vjeç”, tha zëdhënësi i PK-së në Prizren, Hazir Berisha.
“Hetuesit rajonal dhe krim- teknika kanë mbledhur prova materiale në vendin e ngjarjes, të cilat do të dërgohen në laboratorin e policisë për ekzaminim”. “Dy të arrestuarit, me urdhër të prokurorit të shtetit, janë ndaluar nën masën e arrestit policor”/PrizrenPress.com/