Një qytetar ka informuar sot rreth orës 14:30 minuta policinë në Rahovec për gjetjen e mjeteve të pa shpërthyera. Zëdhënësi i PK-së, Hazir Berisha, tha se një patrullë e policisë ka dalë në vendin e ngjarjes.
“Policia ka kuptuar se një qytetar, shqiptar i Rahovecit kishte blerë një shtëpi të vjetër në lagjen serbe dhe gjatë rrënimit të saj janë zbuluar mjete të pa shpërthyera”.
“Më pas është thirr Njësia Kundër Mjeteve të Pashpërthyera nga FSK-ja, të cilët kanë dalë në vendin e ngjarjes dhe kanë gjetur 4 mina 2D1 dhe 2D4, 860 fishekë të kalibrit 7.62 mm dhe 4 granata dore”.
“Mjetet e pa eksploduara janë shkatërruar në mënyrë të sigurt në poligonin e KFOR-it në afërsi të Rahovecit”./PrizrenPress.com/