Në prag të zgjedhjeve të parakohshme parlamentare, dy partitë më të mëdha në vend, Partia Demokratike e Kosovës dhe Lidhja Demokratike e Kosovës duket se po harrojnë inatet dhe kritikat në adresë të njëra-tjetrës, duke u përafruar shumë.
Nënkryetarët e dy partive më të mëdha në vend, Adem Grabovci i PDK-së dhe Haki Rugova i LDK-së, janë parë shumë të afërt dhe me shumë disponim në një ceremoni përurimi të rrugës.
Në fotografitë që i ka postuar Adem Grabovci në rrjetin e tij social në Facebook, nga ceremonia e përurimit të rrugës në fshatin Mojstir, shihen dy nënkryetarët tek e kanë muhabetin me birra.
“Duke pasur parasysh angazhimin dhe vizionin e Kryeministrit të Republikës së Kosovës Hashim Thaçit dhe gjithë bashkëpunëtorëve tonë, premtoj se edhe në të ardhmen do të vazhdojmë të investojmë më qëllim të krijimit të kushteve për një jetë sa më komode të qytetarëve të Kosovës”, ka shkruar Grabovci në postimin e tij në Facebook.