Pasi banorët pinë cigare në oborr, shpërndahen nëpër dhomat e gjumit. Juliana dhe Visari bëjnë shaka mes tyre, pasi ai e quan të martuar. Juliana rregullon çarçafët, Visari e ngacmon duke ia prishur rrobat.
Më pas Jona, Visari, Juliana dhe Nevila flasin për Mikelën dhe tipin e saj. Jona thotë se Mikela është shumë tip gazmore dhe bën shumë shaka me Visarin, duke iu përshtatur atij. Visari shprehet se Mikela është shumë tip i shoqërueshëm, pa komplekse dhe me mendje të hapur. Ai thotë se Mikela është shumë e mençur, por varet nga banorët sesi afrohen dhe krijojnë raportet me të, herë të mira, herë të këqija. Jona thotë se Mikela ka shumë bagazh.
Nevila i thotë Visarit të pyesë Valerin se çfarë mendon për Mikelën. Ai thotë se Mikela është pa komplekse, por në disa raste ka gabuar shumë me fjalët. Valeri kujton rastin gjatë debatit me Mikelën për malësorët dhe traditat e tyre. Visari i thotë Valerit të flejë gjumë, sepse i bëri një pyetje dhe jo të fillonte të flasë aq gjatë për malësorët. Nevila thotë se Valeri asnjëherë nuk është i qartë me përgjigjet, sepse njëherë thotë po, njëherë jo.
Visari bën mimika të ndryshme, teksa vajzat qeshin me të. Enkelejdi vjen në dhomë dhe banorët diskutojnë se çfarë do të gatuajnë nesër. Ata i kërkojnë Valerit t’i zgjojë shpejt, nëse do ngrihet për provën e plehrave.