13.8 C
Prizren
E shtunë, 2 Mars, 2024

Bashkimi pret Pejën, Ylli i shkon Trepçës

Sot do të zhvillohen dy ndeshjet e mbetur në kuadër të javës së gjashtë në Prince Caffe Superligën e Kosovës në basketboll.

Sfida më interesante e kësaj xhiro zhvillohet sot ndërmjet Trepçës dhe Golden Eagle Yllit, nënkampionit dhe kampioni aktual të Kosovës.

Mitrovicasit e kanë nisur edicionin shumë më mirë, duke pasur katër fitore e një humbje, ndërsa e kundërta është me therandasit që kanë një fitore e katër humbje.

‘Xehetarët’ kërkojnë të vazhdojnë me formë të mirë, kurse verdhezinjtë të këndellen pas fillimit jo të mirë për të shënuar fitoren e dytë pasi mposhtën Vëllaznimin.

Po ashtu sot do të ndeshen rivalët e vjetër në basketbollin e Kosovës, Bashkimi dhe Peja.

Pejanët e kanë nisur për mrekulli këtë edicion me pesë fitore në pesë ndeshje, duke qenë skuadra e vetme në elitë pa humbje, ndërsa prizrenasit kanë dy fitore e tri humbje dhe do të mundohen t’ia shkaktojnë humbjen e parë verdhezinjëve.

Prince Caffe Superliga – Java 6

E diel

17:00 Trepça – Golden Eagle Ylli

19:00 Bashkimi – Peja

Më Shumë

Mungon Drita Millaku, shtyhet seanca ndaj Xhelal Sveçlës dhe deputetëve tjerë të VV-së

Seanca gjyqësore ndaj ministrit të Punëve të Brendshme, Xhelal Sveçla dhe tre deputetëve tjerë të Lëvizjes Vetëvendosje, është shtyrë me arsyetimin se mungoi e...

Mish dhe ndryshk

Asgjë nuk ishte më absurde, sureale, e paarsyeshme, e kotë, e tepërt, se ushtria, shkolla, puna, shoqëria, arti, kultura, ekonomia, partia, ideologjia, të gjitha...

Lajmet e Fundit