Kryetari i Komunës së Malishevës z.Ragip Begaj dhe nënkryetari z.Rexhep Mazreku kanë pritur sot në një takim përfaqësuesit e Shoqatës Humanitare Bamirëse Kosovare (SHHBK) “Nëna Terezë” Zef Shala, drejtor ekzekutiv i shoqatës, koordinatorin e regjionit të Prizrenit Marash Berisha dhe Dalip Halitaj kryetari i degës së shoqatës “Nena Terezë” në Malishevë. qëllimi i këtij takimi ishte bashkëpunimi i shoqatës me Komunën.
Kryetari Begaj me këtë rast tha, “unë e di kontributin e shoqatës “Nëna Terezë”, që e ka dhënë gjatë luftës dhe para luftës, kam qenë i kyçur dhe jam përpjekur të kontribuoj dhe të ta ndihmoj shoqatën, e edhe tani do të përpiqemi që të ju mbështes brenda mundësive tona, si komunë”.
Drejtori ekzekutiv i SHHBK “Nëna Terezë”, Zef Shala, paraqiti para kryetarit Begaj kërkesën e shoqatës për bashkëpunim të ndërsjellët të shoqatës me Komunën e Malishevës. ”SHHBK ”Nëna Terezë” e ka 25 vjetorin e themelimit te saj, dhe shoqata gjithmonë ka qenë me popullin dhe për popullin, dhe që nga pas lufta është duke u marrë me programe zhvillimore të ekonomive familjare, dhe për ta realizuar këtë, në këtë rast neve na duhet edhe ndihma e komunës përmes degës në Malishevë “ tha Shala.
Qëllimi i përgjithshëm i projektit “Rrjeti i sigurisë”, është synimi për krijimin e një rrjeti të sigurisë sociale nëpër komuna tona, përkatësisht zvogëlimin e nivelit të varfërisë në Kosovë. Ky projekt i dedikohet familjeve më të prekura në aspekt social dhe ekonomik të shoqërisë kosovare.