Kryetari i Komunës së Malishevës, Ragip Begaj ka vizituar fshatrat Llapqevë dhe Panorc.Në takimet me banorët e këtyre fshtrave, Begaj ka biseduar për problemet e tyre në përgjithësi dhe në veçanti për çështjen e mbeturinave dhe etheve hemorragjike.
Ai ka kërkuar që të largohen mbeturinat nga pikat ilegale të hedhjes së tyre dhe të bëhet kujdes i shtuar në raport me ethet hemorragjike.
“Largimi i mbeturinave nga ambienti, është prioritet i qeverisjes sonë dhe këtë do ta bëjmë, por ta bëjmë të gjithë së bashku, në mënyrë që të jetojmë në një ambient të pastër, për të mirën tonë, për shëndetin tonë dhe të fëmijëve tanë”.
“Këto mbeturina, janë edhe burim i infeksioneve të ndryshme, përfshi edhe ethet hemorragjike, pasi në to jetojnë brejtësit, por edhe rriqrat, si burimet kryesore të infektimit me ethe hemorragjike”, tha Begaj.
Kryetari Begaj, po ashtu, ju bëri thirrje, që banorët e këtyre dy fshatrave, të futen në sistemin e grumbullimit të mbeturinave.
“Ne si komunë, bëjmë gjithçka që është në dorën tonë dhe angazhimi ynë nuk mungon, por ju lus të bëni kujdes të shtuar, qoftë me fëmijët tuaj, qoftë gjatë kryerjes së punëve të përditshme në fushë. Kontrollojeni veten dhe fëmijët, nëse janë të prekur nga rriqrat dhe mos i largon vet rriqrat, por shkoni në qendrat mjekësore”.
“Mos lejoni që për shkak të pakujdesisë të shkaktohen vdekje”./PrizrenPress.com/