Sekretari i Përgjithshëm i LDK’së, Ismet Beqiri është shprehur i befasuar me rezultatin e zgjedhjeve në Prizren.
“Ne prisnim që të kemi rezultat më të mirë, realisht”, ka thënë Beqiri, gjatë një interviste për Klan Kosova.
“Ndoshta në këtë kanë ndikuar vizitat e shpeshta të Thaçi atje dhe premtimet absurde të tij. Por më shumë se sa kjo, mendoj se kanë ndikuar turqit, pra koalicioni i Thaçit me komunitetet pakicë në Prizren”, ka shtuar ai.
Beqiri ka thënë se beson se LDK është partia e parë për nga numri i votave të proporcionalit. Njëherësh ai ka thënë se edhe një deputet së shpejti do t’’i bashkohet LDK’së në Parlamentin e Kosovës duke e çuar në 30 numrin e deputetëve të kësaj partie.