Të garosh me bashkëfshatarin për të njëjtën komunë është e rrezikshme.
Kjo i ka ndosh edhe Isni Kilajt, kandidat i Partisë Denokratike të Kosovës për kryetar të Malishevës.
Ai u mbështet më pak nga fshati i tij i lindjes, Libizhda, në krahasim me Salih Morinën kandidatin e Lidhjes Demokratike të Kosovës, nga po i njëjti fshat, shkruan Express.
Morina këtë herë mori plot 100 vota më shumë prej bashkëfshatarëve të tij në krahasim me Kilajn që është kryetar i komunës së Malishevës.
Prej afër 600 shtëpive sa numron fshati Lubizhdë, Morina mori 300 vota, derisa Kilajn e mbështetën vetëm 200 bashkëfshatar.
Vendin e tretë e zuri Inciativa e Malishevës me vetëm 55 vota.
I njëjti fat e përcolli Kilajn edhe në fshatrat e tjera përreth Malishevës. Derisa në zgjedhjet e kaluara ai arriti të zgjidhet kryetar komune, kësaj here me votat që aktualisht ka publikuar KQZ-ja, prin Ragip Begaj kryetar i Inciativës Qytetare të Malishevës. Kilaj mori 6 mijë e 384 vota, derisa Begaj mori 10 mijë e 435.