Deputeti i Kuvendit të Kosovës nga radhët e Nismës për Kosovën, Zafir Berisha në seancën e jashtëzakonshme për rastin e Astrit Deharit, vlerësoi se vendi ka ardh në një gjendje jo të mirë si pasojë e vendosjes në pozita të njerëzve që nuk janë adekuatë, raporton GazetaBlic.com
Berisha, një gjë të tillë e tha duke aluduar edhe tek kryetari i ri i Drenasit, Ramiz Lladrovci, i cili në një debat televiziv kishte thënë se ligji është si llastiku.
“Vendosja e njerëzve në pozita si tipi i atyre njerëzve që e shohin ligjin si llastuku, e kanë sjellur vendin në këtë gjendje”, tha ky deputet.
Më tej, ai kërkoi nga Ministri i Punëve të Brendshme Skender Hyseni, dhe Ministrja e Drejtësisë Dhurata Hoxha që të japin përgjegjësi për rastin e Deharit.
“Të dy ministrat që lidhen me rastin duhet të japin përgjegjësi”, tha Berisha.