Ish-drejtori i Bibliotekës Kombëtare të Kosovës, tani kryetar i Bordit Drejtues, Sali Bashota, si duket nuk e ka ndërmend të tërhiqet nga ndikimet e tij personale në këtë institucion.
Të paktën, me këso akuze po e ngarkojnë punëtorët e këtij institucioni. Rreth 20 prej këtyre të fundit do të transferohen në Bibliotekën Universitare, institucion ky i ndarë nga BKK-ja në fillim të këtij viti. Punëtorët po thonë se Bashota po i përzgjedh vet sipas interesave të tij personale, se cilët bibliotekist do të shkojnë në Universitare, e jo sipas kritereve. Shumica prej tyre nuk janë të kënaqur me kalimin nga BKK “Pjetër Bogdani”, pasi kanë kaluar shumë vite punë në këtë institucion.
Një prej tyre e akuzon Bashotën që ka interesa personale të ngushta me ministrin e Arsimit në largim, Ramë Buja, e prandaj “po bënë çfarë po ia do qejfi me Bibliotekën”. I njëjti punëtor që nuk dëshiron të flas me emër për shkak të frikës që ka nga Bashota, thotë se kur e kanë marr lajmin për transferim, u kishin premtuar se do t’ua rrisin rrogën. Ky madje i ka gjetur edhe fajtorët./tribuna/