Santi Cazorla i ka ndarë rrugët me Arsenalin pas përfundimit të kontratës së tij, dhe këtë lajm e ka konfirmuar vet klubi të hënën.
“Santi Cazorla po e lë klubin pasi ka përfunduar kontratën e tij”, ka njoftuar Arsenali në ueb-faqen e tyre zyrtare.
Cazorla iu bashkua Topçinjve më 2012, dhe u bë pjesë kyçe e skuadrës që fitoi dy tituj radhazi të FA Cup më 2014 dhe 2015.
Sidoqoftë, në dy stinorët e fundit ai ka qenë kryesisht joaktiv shkaku i lëndimeve, dhe në një moment ka rrezikuar që t’i amputohet këmba.