Sheikët e Manchester Cityt duan ta mbajnë për një kohë të gjatë Pep Guardiolan.
Marrëdhënia mes Cityt dhe Guardiolas do të zgjasë për shumë kohë, pasi që pronarët e klubit anglez janë shumë të kënaqur me punën e tij.Pep ka një kontratë prej tre vitesh me Cityn por pronarët e klubit duan që ai të vazhdojë edhe më gjatë me skuadrën nga Etihad, transmeton KosovaPress.
“Kam folur me Sheikun Mansour i cili më ka pyetur për eksperiencën time në këto gjashtë muaj me Cityn. Ai më ka ofruar ndihmë për çdo gjë, duke u treguar shumë i këndshëm ndaj meje”, ka thënë Guardiola.
“Ne të gjithë e dimë se e ardhmja ime do të varet nga rezultatet. Ai më ka kërkuar që të qëndroj këtu për një shumë të gjatë dhe dëshira ime është që të jem pjesë e këtij klubi për shumë vite”, ka theksuar Pep.City renditet në pozitën e tretë në Premier Ligë me 52 pikë, 11 më pak se kryesuesit e Chelseat por me një ndeshje më pak të zhvilluar.