16.8 C
Prizren
E mërkurë, 5 Tetor, 2022

Çollaku: Kosova nuk do të mbetet peng i Serbisë

BekimCollaku-keshilltarMinistri i Integrimeve Europiane Bekim Çollaku i është përgjigjur kërcënimeve të Ministrit të Punëve të Jashtme të Serbisë, Ivica Daçiq, se nuk do ta lejojë Kosovën të bëhet pjesë e OSBE-së.

Deklarata e plotë e Çollakut:

Serbia ka shpalosur programin e saj si kryesuese e Organizatës për Siguri dhe Bashkëpunim në Europë (OSBE). Në rrethana normale, ky do duhej të ishte një lajm pozitiv për gjithë rajonin. Fatkeqësisht, ende nuk ndodh kështu për shkak se Serbia ende nuk po arrin të mësohet me realitetin e ri, me Kosovën shtet të pavarur dhe sovran. Është për keqardhje deklarata e ministrit Dacic se Serbia nuk do të lejoj pjesëmarrjen e Kosovës dhe anëtarësimin e tonë në ketë organizatë të rëndësishme ndërkombëtare. Kjo sjellje jodemokratke dhe joeueropiane është në kundërshtim të plotë me vet synimet e OSBE’së, është në kundërshtim me obligimet e Serbisë që dalin nga marrëveshja e 19 prillit 2013 për normalizimin e marrëdhënieve ndërmjet Kosovës dhe Serbisë dhe nuk i shërben fare stabilitetit dhe fqinjësisë së mirë në rajon. Kjo praktikë e keqe që është në kundërshtim me interesat strategjike për stabilitet dhe bashkëpunim në Ballkanin Perëndimor dhe Evropë duhet të marrë fund. Kosova nuk do të mbetet peng i pengesave të vazhdueshme që vinë nga Serbia në kuadër të anëtarësimit të Kosovës në organizatat ndërkombëtare.

Më Shumë

Mësimdhënësi i zhgënjyer nga Prizreni: Asnjë cent s’e kam në llogari, këstin e kredisë 150 €

Beqir Letaj, mësimdhënës nga Prizreni i cili ka qenë përkrahës dhe votues i Lëvizjes Vetëvendosje po ndjehet shumë i zhgënjyer me veprimet e fundit...

Shtyhet gjykimi për korrupsion ndaj zyrtarëve të Komunës së Prizrenit

Në Gjykatën Themelore në Prizren, me kërkesën e përfaqësuesit të Komunës së Prizrenit, avokatit Blerim Mazreku, i cili nuk i posedonte shkresat e lëndës,...

Lajmet e Fundit