Deputeti i Kuvendit të Kosovës nga radhor e Lëvizjes Vetëvendosje!, Ilir Deda ka reaguar ndaj deklaratave të fundit të drejtuesve të misionit të EULEX-it në lidhje me raportimet e fundit të gazetës Koha Ditore rreth skandalit në “Rastin Kleçka”.
Ai përmes një postimi në rrjetin social Facebook ka vlerësuar se skandaloze kjo që misioni i EULEX-it po e sulmon median e lirë.
“EULEX akuzon ‘Koha Ditore’ që po guxon të shkruaj që ky mision ‘për sundim të ligjit’ është i ndikuar politikisht, dhe atë jashtëzakonisht shumë bile. Është skandaloze – thënë më së buti – që misioni i BE-së për ‘sundim të ligjit’ e sulmon median e lirë, me siguri e inkurajuar nga Qeveria Mustafa-Thaçi e cila e bëri të njëjtin sulm ndaj mediave të pavarura që guxuan të raportojnë drejtpërdrejtë gjatë protestave në janar. ?#?turp”, ka shkruar Deda.
Rikujtojmë se kjo gazetë ditë më parë ka shkruajtur se disa personalitete nga PDK-ja dhe Misioni i EULEX-it kishin ndërhyr në dënimin e të dyshuarve në rastin Kleçka, ku bën pjesë edhe kryetari i Nismës për Kosovën, Fatmir Limaj.
Të Rekomanduara