Drejtoria e Inspektorateve në Komunën e Prizrenit ka rritur numrin e inspektimeve si rrjedhojë të afrimit të festave të fundvitit.
Me këtë rast, në inspektimet e realizuara gjatë dy ditëve të fundit është bërë asgjësimi i artikujve të ndryshëm ushqimorë, sidomos të atyre me prejardhje shtazore, në vlerë prej rreth 1 500 euro.
Drejtoria e Inspektorateve u ka bërë thirrje të gjithë bizneset që t’i përmbahen rregullave dhe procedurave për kujdesin e artikujve me afat të skaduar.
“Kujdesi ndaj shëndetit të qytetarëve mbetet prioritet kryesor dhe obligim i Drejtorisë së Inspektorateve”, ka njoftuar Komuna e Prizrenit.