-3.2 C
Prizren
E diel, 5 Shkurt, 2023

Farina: Zgjidhja përmes negociatave

Salvatore Farina-KFORKFOR-i e ka vlerësuar pozitivisht angazhimin e Policisë së Kosovës gjatë protestës së sotme në Mitrovicë. Sipas një komunikate të KFOR-it, Policia e Kosovës ka qenë në gjendje që të frenojë një protestë të madhe duke treguar profesionalizëm të madh, efektivitet dhe aftësi në menaxhimin e situatës në mënyrën e duhur.

Sipas kësaj komunikate, KFOR-i kishte të angazhuar një ekip të ushtarëve amerikanë në mes të urës mbi lumin Ibër, njësite të Policisë Ushtarake italiane në pjesën veriore të urës, ndërsa një ekip i ushtarëve gjermanë janë thirrur për të intervenuar kur “disa elementë filluan të kërcënojnë dhe të përdorin dhunën”.

Sipas udhëheqësit të KFOR-it, gjeneral Salvatore Farina, përpjekja kryesore ishte që të evitohet përleshja ndëretnike dhe eskalimi i dhunës.

“Ju bëj ftesë autoriteteve lokale në jug dhe veri të Mitrovicës dhe të gjithë qytetarëve që të sillen të qetë dhe të vazhdojnë dialogun, me qëllim që të zgjidhin problemin përmes sqarimit, takimeve dhe negociatave”, ka thënë komandanti i KFOR-it, Farina.

Më Shumë

Gjashtë vjet nga vdekja e shkrimtarit të madh Dritëro Agolli

Shkrimtari, poeti dhe politikani shqiptar Dritëro Agolli ka vdekur më 3 shkurt të 2017, në moshën 85-vjeçare. Agolli vuante prej kohësh nga një sëmundje në...

LDK-ja gjuan akuza për qeverinë e Prizrenit

Dega e Lidhjes Demokratike të Kosovës në Prizren, në një konferencë për media ka prezantuar sot abuzimet dhe keqpërdorimet nga ana e zyrtarëve dhe...

Lajmet e Fundit