23.1 C
Prizren
E enjte, 11 Shtator, 2025

Filloi zgjerimi i rrugës Malishevë-Banjë

Sot kanë filluar punimet në zgjerimin e rrugës Malishevë-Banjë, e cila do të jetë me katër korsi, nga Malisheva deri te hyrja e fshatit Banjë, përkatësisht tek vendi ku lidhet rruga unazore për qytetin e Malishevës. Ky projekt bashkfinancohet nga Komuna e Malishevës dhe Ministria e Pushteti Lokal.

Për këtë qëllim, sot në Malishevë ka qëndruar edhe zëvendësministrja e MPL, Fatbardha Emini, e cila është pritur nga kryetari i Komunës së Malishevës, Ragip Begaj.

Begaj e Emini ka biseduar për bashkëpunimin në mes të komunës dhe ministrisë dhe e kanë vlerësuar lartë bashkëpunimin në mes të dy institucioneve. Ata kanë biseduar edhe për këtë projekt dhe projektet e tjera të cilat pritet të financohen në të ardhmen. Zëvendësministrja Emini, tha se do ta përkrahin Malishevën, pasi është edhe një prej komunave të cilën më së shumti e ka rënduar situata me pandeminë covid-19.

Përndryshe, në fillimin e punimeve në zgjerimin e rrugës, Malishevë-Banjë, ishin të pranishëm, kryetari i Malishevës, Ragip Begaj, zëvendësministrja e MPL, Fatbardha Emini, drejtori i urbanizimit, Ahmet Morina, dhe zyrtarë tjerë të kabinetit qeverisës në Malishevë dhe zyrtarë të MPL-së.

“Ky projekt i zgjerimit të rrugës, i cili për qëllim ka lëvizjen më të lehtë për hyrje-dalje nga qyteti, financohet nga Komuna e Malishevës dhe Ministria e Pushtetit Lokal dhe ka një gjatësi prej 840 metra”, ka deklaruar drejtori i urbanizmit, Ahmet Morina.

Më Shumë

Driton Selmanaj i LDK-së shpalos vizionin për zhvillimin e Prizrenit

Kandidati i Lidhjes Demokratike të Kosovës (LDK) për kryetar të Prizrenit, Driton Selmanaj, ka prezantuar sonte programin dhe vizionin e tij për zhvillimin e...

Gjendet i vdekur një burrë në Dragash

Një burrë është gjetur pa shenja jete të shtunën në banesën e tij. Sipas raportit 24 orësh të Policisë, rasti ka ndodhur në Dragash dhe...

Lajmet e Fundit