Filmi i shkurtër “Kali” me regji nga Alban Ukaj dhe Yll Çitaku do ta ketë premierën në edicionin e 22-të të Festivalit të Filmit OZU në Itali, si dhe do të jetë pjesë e konkurrencës zyrtare të festivalit.
“Kali” është prodhim i kompanisë Koperativa me producent ekzekutiv Arian Rexhepin, ndërsa do të shfaqet në Ozu Film Festival të shtunën, më 22 nëntor, në mbrëmje.
Me skenar nga Alban Ukaj, filmi trajton ngjarjen e vitit 1997, gjegjësisht 1 tetor 1997 ku qindra studentë kanë dalë në protestë kundër regjimit shtypës në rrugët e Prishtinës. Në mes të tyre janë edhe 3 shokë adoleshentë, të cilët e gjejnë vetën në një situatë të paimagjinueshme.
Në film luajnë aktorët Izudin Bajroviç, Florist Bajgora, Ermal Gërdovci, Fatlum Berisha, Astrit Kabashi dhe Faik Çitaku, ndërsa filmi është i mbështetur nga Qendra Kinematografike e Kosovës, nga Fondi Heartefact dhe pritet të ketë shumë paraqitje nëpër festivale ndërkombëtare.