Spektri politk shqiptarë shprehen kundër vendeve të rezervuara për minoritetet duke e cilësuar këtë kërkesë të partive politikë të komuniteteve pakicë jo demokratike dhe kundër kushtetuese. Të gjitha partitë politke janë deklaruar kundër ndryshimeve kushtetuese me theks edhe ndaj kërkesës, që kanë të bëjnë me vendet e rezervuara, ndërsa në mbështetje të ndryshimeve kushtetuese ka dalë të jetë kryeministri i vendit Hashim Thaçi.
Ndonëse jo decidivisht, kryeministri duke kërkuar ndryshime kushtetuese për reformën e mirëfilltë zgjedhore në njëfarë mënyre kjo dërgon edhe tek ndryshimet që kanë të bëjnë me vendet e rezervuara për komunitetet pakicë, shkruan Bota Sot.
Hydajet Hyseni, deputet i PDK-së, thotë se ende nuk kanë kërkesë të shkruar e të arsyetuar nga kryeministri me këtë edhe për përcaktimin kushtetuese për vendet e rezervuara, por thekson Hyseni se pavarësisht se ende nuk ka kërkesë konkrete për këtë do të jem kundër vendeve të rezervuara.
“Unë jam i prirur që të mos pajtohem me tendencën për ta politizuar deri në absurd çështjen e përfaqësimit të minoriteteve në mënyrën se si po bëhet. Andaj do ta pres propozimin dhe do ta lexoj, por në parim nuk jam dakord për një prirje të tillë”, tha Hyseni.
Flora Brovina, deputete e GK të PDK-së, personalisht shprehet kundër vendeve të rezervuara për komunitetin pakicë.
Sipas saj nuk mund të tejkalohet pakoja Ahtisari, ka qenë një kompromis i dhimbshëm i cili duhet të tejkalohet.
“Natyrisht se unë mendoj se Pakoja Ahtisarimjafton për minoritetet dhe është një e arritur e jona me shumë dhimbje, dhe në qoftëse ne e kalojmë këtë dhe bëjmë dicka përtej Ahtisari, është dicka e tepruar”, tha Brovina./BS/