Forca e Sigurisë së Kosovës (FSK) në fillim të muajit tetor, do të mbaj Ushtrimin Fushor të koduar ,,Shqiponja 2”, i cili do të realizohet në disa rajone të Kosovës. Për këtë qëllim FSK-ja ka bërë të gjitha përgatitjet dhe marrëveshjet paraprake me komunat dhe të gjitha institucionet që do të jenë pjesë e këtij ushtrimi, me qëllim që mbarvjatja e ushtrimit të zhvillohet sipas planifikimeve.
Qëllimi i FSK-së është që nëpërmjet ushtrimit “Shqiponja 2” të testohen aftësitë komanduese, reaguese dhe koordinuese të Njësive, Shtabeve dhe pjesëtarëve në terren.
Konvojet e Forcës së Sigurisë së Kosovës do të marshojnë nga vendbazimet e tyre Prishtina, Ferizaj, Gjilani, Mitrovica, dhe Pomozotini për në rajonet e grumbullimit dhe aktiviteti do të jetë i përqendruar në komunat; Pejë, Istog, Prizren dhe Klinë.
Ministria për Forcën e Sigurisë së Kosovës dhe Forca e Sigurisë së Kosovës njoftojnë opinionin e gjerë dhe të gjithë qytetarët se lëvizjet e konvojeve të FSK-së do të bëhën për qëllim ushtrimi. Pra dislokimi i njësive dhe lëvizja e konvojeve në rrugët magjistrale dhe lokale do të vërehen gjatë 10 ditëve të para të tetorit dhe atë gjatë 24 orëve dhe do të bëhen vetem për qëllime ushtrimi./PrizrenPress.com/