Sahit Osmani
– Gjergj Kastriotit – Skënderbeut
(6 maj 1405 – 17 janar 1468)
Gjashtëqind vjet ka lëvizur jeta
Nami yt ka mbetur i papërlyer
Trimëria e ka kërkuar enrin tënd
Aty me legjenda është ushqyer
Gjashtëqind vjet vdekja s’ka guxuar
të shohë në sy
Me dhimbje humbjen e ka pranuar
Historisë shqip i ka folur me fitoren tënde
Kur mesjeta ka dridhur me netët e saj
Gjashtëqind vjet po lundron koha
Brigjeve të thepisur ndeshen stuhitë
Ti, hipur mbi kalë rrezaton epokat…
Shesheve të luftës me lavdinë heroike
Gjashtëqind vjet ka shkruar historia
Me ty e njohëm më mirë gjakun tonë
Se Liria nuk fitohet dot pa fli të reja
Në udhët e luftës
lind shqipe që s’tremben