Nënkryetari i Kuvendit të Kosovës, Xhavit Haliti ka qenë i ftuar në Info Magazine të Klan Kosovës ku mes tjerash ka folur edhe për tragjedinë e ndodhur në Prizren, ku vajza tre vjeçare Xheneta Gashi ka vdekur si pasojë e shembjes së shtëpisë në Qendrën Historike të këtij qyteti.
“Kosova ka ligjet e veta dhe i ka kompetencat e ndara për secilin dikaster dhe personin përgjegjës në atë dikaster”.
“Nëse konform ligjit një person është përgjegjës për një tragjedi si ajo e Prizrenit, duhet të japë dorëheqje”.
“Nuk është aspak tragjedi nëse dikush që është përgjegjës për gabime institucionale të japë dorëheqje”.
Ai ka thënë se “në Kosovë gabimet janë tejkaluar ashtu, pa bujë të madhe dhe askush s’ka dhënë dorëheqje”.
“Përgjegjësia për rrëzimin e murit dhe për humbjen e jetës së 3 vjeçares, është e dikujt”.