Kryetari i Komunës së Prizrenit, Mytaher Haskuka ka mohuar se ka shkarkuar drejtorë e zëvendësdrejtorë të shkollave.
Ai tha se në disa shkolla drejtorëve dhe zëvendësdrejtorëve u ka skaduar kontrata.
“ Ata e kanë përfunduar mandatin sipas kontratës që e kanë pasur. Në disa shkolla kam caktuar ushtrues të detyrës, kurse në disa jo. Kjo është kompetencë e imja dhe e kam shfrytëzuar këtë të drejt”, tha Haskuka në seancën e Kuvendit të Prizrenit, shkruan “PrizrenPress” .
Haskuka tha se gjatë tri viteve arsimi në Prizren ka ndryshuar për së miri.
Sipas tij, gjatë këtyre viteve, Komuna e Prizrenit ka investuar shumë në arsim./PrizrenPress.com/