Ish-drejtori i Administratës të Komunës së Prizrenit, Ilir Baldedaj, mund të përballet edhe me një padi.
Kryetari i Prizrenit, Mytaher Haskuka, dhe drejtori i ri i Administratës, Osman Hajdari, kanë paralajmëruar padi për shkeljet që kanë gjetuar në kohën e Baldedajt.
Haskuka e Hajdari, në një konferencë për shtyp, kanë numruar parregullësit që kanë gjetur në këtë drejtori.
“Në Administratë janë gjetur shumë parregullsi në realizimin e projekteve të E-kiosqeve, arkivës elektronike, telefonave etj”, tha Haskuka, transmeton TV Prizreni.
“Me këto raste duhet të merret Prokuroria”, tha ai.
Drejtori i Administratës Osman Hajdari, tha ndërkaq se të gjeturat tregojnë se qeveria e kaluar ka abuzuar me detyrën zyrtare.
Ish-drejtori i Administratës, Ilir Baldedaj, i kontaktuar nga TV Prizreni, ndërkaq nuk ka pranuar të komentojë akuzat e Haskukës e Hajdarit.
