Ministri i Punëve të Jashtme i Kosovës, Enver Hoxhaj ka thënë se pjesëmarrja e ministrave kosovarë në takimin ministror të vendeve të rajonit në Beograd është rezultat i procesit të normalizimit të raporteve Kosovë – Serbi, mirëpo sipas tij, ky proces duhet të përfundojë me pranimin e Kosovës në Kombet e Bashkuara pa u penguar nga Beogradi.
Ai më tej ka thënë se Prishtina dhe Beogradi duhet të nënshkruajnë një marrëveshje paqeje para anëtarësimit të Serbisë në Bashkimin Evropian.
“Kjo marrëveshje që po përmendet edhe në BE, për ne nuk është asgjë më shumë sesa një traktat paqeje”, ka thënë Hoxhaj. /Zëri/