Aktori i mirënjohur australian dhe ylli i “Wolverine”, Hugh Jackman, ka njoftuar se ka marrë trajtim kundër kancerit të lëkurës, për të tretën herë me radhë.
Newsbeat raporton se aktori i mirënjohur po trajtohet për karcinomën e qelizave bazale, e cila po e mundon tashmë disa kohë. Përfaqësuesit e tij kanë thënë se aktori tani është në gjendje të mirë.
Ky lloj i kancerit karakterizohet me rritje të ngadalshme dhe lidhet me ekspozimin ndaj diellit. Shumë rrallë është fatal dhe nuk përhapet në vende të tjera të trupit. Jackman fillimisht e kishte vërejtur një njollë në hundë, e që më pas doli të ishte kancer.
Ai bëri një ndërhyrje në muajin nëntor dhe një në maj, ndërsa ka pranuar se shumë shpesh do t’i duhet të bëjë ndërhyrje të tilla, për shkak të natyrës së sëmundjes.