Tashmë dritat në dhomat e gjumit janë fikur. Juliana, Nevila, Mikela dhe Meridiani flasin për provën javorë, të komedisë “Pallati 176”.
Jona, Visari dhe Valeri bëjnë thashetheme për banorët e tjerë të shtëpisë. Fillimisht ata flasin për mirë, duke thënë të kundërtat e atyre që mendojnë. Kjo është një lojë, që Jona bënte shpesh me Matildën dhe fton djemtë ta bëjë me ta. Ata flasin komplimente për banorët, duke qeshur me kontradiktën që krijohet, me mendimet që kanë realisht për banorët.
Pasi mbarojnë të gjithë banorët, ata nisin të shprehin mendimet e tyre të vërteta. Valeri flet sërish për Nevilën. Ai tregon se edhe Mikela ka të njëjtën mendim si ai, për faktin se Nevila nuk ka treguar asgjë në shtëpi, përveç dhembshurisë. Valeri zotohet se ai ka qëllim të sulmojë Nevilën tërë kohës. “Mos mbahet mend si Nevila jetimja, por si Nevila e Big Brother-it. S’ka këtu të lypë mëshirë gjithë kohës”, thotë ai. Valeri shprehet se Nevila duhet të tregojë forcën e saj, ndërsa Visari dhe Jona nuk japin asnjë koment. Jona shprehet se Lori dhe Juliana kapen shpejt tek fjalët që thonë, kurse Visari thotë se Mikela del shumë shpejt nga kontrolli, por kur e kupton që është lojë kthen direkt. Valeri shprehet se Meridiani mban shumë inat brenda vetes. Ai mendon se Meridiani ka rënë përtokë dhe nuk është më aktiv si Arditi, pas lojës që bëri me Jonën.
Jona kujton Arditin dhe Meridianin, të cilit janë hapur me Valerin për profesionin e tij. Valeri justifikohet, duke thënë se ai ka dëgjuar këshillën e kolegëve, për të mos shfaqur në televizion profesionin e tij. Ai thotë se është mjek i përgjithshëm dhe në televizion flasin vetëm mjekët specialistë. Jona thotë se aty nuk janë për të treguar aftësitë dhe talentet, duke përmendur Meridianin se po tregon aftësi në gatim. Ajo thotë se Arditi dhe Meridiani nuk e kanë pasur qejf njëri-tjetrin, tani janë bërë vëllezër. Valeri dyshon se ata po bëjnë lojë të dy.
Arditi futet në dhomë dhe pasi dëgjon se banorët po flasin për të thotë: “Ah Jona Jona”.