Kandidati i Lëvizjes Vetëvendosjes për kryetar të Malishevës, Alban Krasniqi ka vizituar zyrat e “HANDIKOS-it”, Qendrën e Banimit Social, Qendrën Kryesore të Mjekësisë Familjare, përfaqësuesit e lagjes “Mirdita” dhe “Pallanka” në këtë qytet. .
Krasniqi në takimin që ka zhvilluar me drejtorin e QKMF, dr. Besim Zogaj dhe bashkëpunëtorët e tij, u njoftua për shërbimet që kryen kjo qendër.
Ata kanë diskutuar për punën dhe aktivitetin e kësaj KMF-së. Krasniqi ka vlerësuar punën e stafit të kësaj qendre. Ai shprehu shqetësimin për shërbimet e pamjaftueshme për qytetarët e Malishevës.
Ai ka po ashtu ka folur për planin e VV-së për shëndetësi. Një pjesë të madhe të diskutimit zuri edhe problemi me ethet hemorragjike dhe mobilizimin shoqëror për ketë problem të madh që ka kjo komunë, problem ky që ka marr jetën e 19 qytetarëve të Malishevës.
Në Qendrën “HANDIKOS”, kandidati Krasniqi, ndërkaq është pritur nga drejtoresha e Qendrës Feride Hoxha. Në këtë takim është diskutuar për nevojat e qendrës, rolin e saj dhe mbështetjen që do të ofrojë Lëvizja Vetëvendosje! për personat me nevoja të veçanta.
Në takim me qytetarët e lagjes “Mirdita”, ka folur për gjendjen me kanalizimin e papërfunduar, mbeturinat dhe mungesën e kontejnerëve, ndriçimin publik, papunësinë dhe sigurinë.
Në takim me qytetarët e lagjes “Pallanka”, ndërkaq ka folur për planet e VV-së për bujqësi dhe blegtori. Qytetarët u ankuan lidhur me harresën që e ka pushteti përballë fshatit dhe ekonomive familjare të tyre, si dhe kërkuan nga kandidati i VV-së që pas 3 nëntorit si Kryetar i Komunës të ketë vëmendjen te prodhuesi vendor dhe punësimi./PrizrenPress.com/