Oficerët e Doganës së Kosovës kanë parandaluar një rast të kontrabandës me armë në pikëkalimin e Vërmicës.
Dogana e Kosovës njoftoi se kontrabanda është zbuluar gjatë kontrollimit të linjës së autobusit Gjermani – Kosovë.
Në atë autobus, armët dhe municioni ishin futur te bagazhi i udhëtarëve, në dy çanta të futura në mes të katër gomave të bagazhit të poshtëm të autobusit.Sipas njoftimit janë gjetur dhe konfiskuar 4 pistoleta të markave të ndryshme dhe 126 copë municion i kalibrit 9mm.
Gjithashtu janë gjetur edhe mallra tjera komerciale, që po ashtu u konfiskuan. Pas zbulimit, rasti ka kaluar në kompetencë të Policisë së Kosovës.