Katër kandidatë për Kryeprokuror të Shtetit kanë dhënë dorëheqje nga gara për kryeprokuror të martën gjatë ditës, njofotjnë burime të Koha.net .
Dorëheqjet e kandidatëve janë arsyetuar me akuza ndaj Këshillit Prokurorial i cili sipas tyre ka komprometuar në tërësi procesin për Kryeprokuror duke lejuar shkelje të hapura të dispozitave të rregullores.
I pari që i ka prirë dorëheqjeve është kandidati Shyqyri Syla Kryeprokuror i Prokurorisë Themelore në Mitrocicës, i pasuar nga Imer Beka Kryeprokuror i Prokurorisë Themelore në Prishtinë, Metush Biraj ud i Kryeprokurorit të Prokurorisë Themelore në Prizren dhe Laura Pula zëvendesKryeprokurore në Zyrën e Kryeprokurorit të Shtetit.
Ky është procesi i dytë për Kryeprokuror të Shtetit ndërsa procesi i parë ishte prishur me aktgjykim të Gjykatës Kushtetuese pasi ishin konstatuar shkelje në përzgjedhjen e Kryeprokurorit Aleksandër Lumezi. Ky i fundit ende është në garë së bashku me Agron Galanin Kryeprokuror i Prokurorisë Themelore në Pejë.