Sindikalistët e Shëndetësisë kanë kërkuar nga ministri Imet Rrahmani që të shqyrtoj pozicionin e tij si ministër, pas skandalit me ordinancën private.
Xhemë Selmani, kryetar i Sindikatës së Shëndetësisë në QKUK ka thënë se ministri Rrahmani duhet të shqyrtoj pozicionin e tij pas publikimit të artikullit për ordinancën e tij ilegale.
“Mos kofsha në lëkurën e tij”, ka thënë ndër të tjera Selmani, duke pohuar se askush nuk duhet të jetë mbi ligjin.Megjithatë, ai tha se derisa në vendet e rajonit ekziston akti moral i dorëheqjes një gjë e tillë nuk ndodhë edhe në Kosovë,
Gjithashtu, sindikalistët kërkuan nga ministri që të mos ndryshoj udhëzimin administrativ sa i përket licencimit të institucioneve private shëndetësore, pasi ky ndryshim do të ‘ngulfas’ QKUK-në.
Por, MSh ka konsideruar se Projekt-Udhëzimi Administrativ për kushtet e përgjithshme dhe të veçanta spitalore, është një prej problemeve të trashëguara në MSH.
“Ministria e Shëndetësisë i konsideron të panevojshme reagimet e FSSHK-së lidhur me këtë Projekt Udhëzim Administrativ, sepse një projekt udhëzim i tillë është në fazën e shqyrtimit me partnerët, profesionistët shëndetësor dhe palët e interesuara dhe, tash për tash, nuk mund të paragjykohet se cilat do të jenë kushtet finale që do t’i përcaktojë ai”, thuhet në një përgjigje të Ministrisë së Shëndetësisë. /Zëri/