22.8 C
Prizren
E martë, 16 Korrik, 2024

Kina paditet nga shteti amerikan për shpërthimin e pandemisë

Shteti amerikan i Missourit ka paditur Qeverinë e Kinës dhe Partinë e saj Komuniste për, siç thanë zyrtarë të lartë, mashtrim të qëllimshëm që edhe çoi drejt shpërthimit të pandemisë.

“Qeveria e Kinës e gënjeu botën për rrezikun dhe natyrën ngjitëse të Covid-19, që e shkakton koronavirusi, dhe bëri pak për të ndaluar përhapjen e saj”, tha prokurori i përgjithshëm i Missourit, Eric Schmitt, duke shtuar se “Kina duhet të mbahet përgjegjëse për veprimet e saj”.

Missouri, shtet i udhëhequr nga Partia Republikane e Donald Trumpit, ngriti padi në gjykatën federale.

Kjo padi kërkon dëmshpërblime për jetët e humbura, vuajtjet e njerëzve dhe trazirat ekonomike që kanë ndodhur në shtetin e Missourit.

Në anën tjetër Kina e mohon fuqishëm mosmenaxhimin e krizës.

Rastet e para me koronavirus në Kinë janë shfaqur në fund të 2019-s e pas kësaj, shifrat u rritën dhe të prekurit numëroheshin në gjithë botën.

Mbi 2.5 milionë njerëz janë prekur nga koronavirusi dhe mbi 177,000 kanë vdekur.

Shtetet e Bashkuara kanë numrin më të madh të të infektuarve me mbi 825,000, dhe të viktimave me mbi 45,000.

Më Shumë

Kryesuesja e Kuvendit të Prizrenit fton për mbledhje të rregullt më 18 korrik

Kryesuesja e Kuvendit të Komunës së Prizrenit, Antigona Bytyqi ka ftuar të gjithë anëtarët e Kuvendit për mbledhjen e rregullt të caktuar për datën...

Spanja, kampione e Evropës

Spanja është kampione e Euro 2024 pasi ka mposhtur në shifrat 2 me 1 Anglinë. Në këtë mënyrë, Spanja rrëmbyen për herë të katërt...

Lajmet e Fundit