Festivali i pestë “Next Generation” që mbahet nga 6 deri më 13 shkurt të vitit 2015 në Bad Ragaz të kantonit St. Gallen në Zvicër, i kushtohet muzikës së barokut, muzikës klasike dhe asaj romantike. Po ashtu në festivalin e radhës do të ketë edhe inserte nga muzika e filmit e shekullit 20 dhe 21, raporton Albinfo.
Në cilësinë e artistëve në rezidencë për vitin 2015 do të jetë kitaristi i njohur shqiptar nga Kosova, Petrit Çeku dhe violinisti rus Yur Revich.
Çeku është një kitarist i ri por tashmë i dëshmuar nga Kosova që krijon në Kroaci dhe në Kosovë. Ai deri më tash ka dhënë shumë koncerte në vende të ndryshme të botës dhe ka fituar çmime të shumta ndërkombëtare.
Pjesë e festivalit do të jenë 40 instrumentistë të rinj prej 10 deri 29 vjeç nga Zvicra dhe nga 20 vende tjera të botës që do të performojnë në hotelin “Grand Resort”, Bad Ragaz.